सूचना
पोखरा महानगरपालिकाको कर्मचारी पदपूर्ति सम्बन्धी सूचना !
सूचना !!!
सबैमा जानकारीको लागि अनुरोध
"कर्मचारी पदपूर्ति सम्बन्धी सूचना (प्रथम पटक प्रकाशित मिति २०८१/१०/०४)" शीर्षकको सूचना विभिन्न सामाजिक सञ्जालहरूमा प्रसारित भइरहेको प्रति हाम्रो ध्यानाकर्षण भएको छ। यो सूचना पोखरा महानगरपालिका कार्यालयद्वारा आधिकारिक रूपमा प्रकाशित नभएको कुरा स्पष्ट पार्न चाहन्छौँ।
विशेष नगरसभाको निर्णय कार्यान्वयन गर्ने सन्दर्भमा उक्त सूचना मस्यौदाको रूपमा तयार भएको, चालु नगरसभामा समेत यस विषयमा छलफल चलिरहेको र सभा लम्बिएको तथा यसलाई अझै परिमार्जन र पुनरावलोकन गर्नुपर्ने भएको कारण महानगरपालिकाको आधिकारिक वेबसाइटमा नराखिएको ब्यहोरा सम्बन्धित सबैमा अनुरोध गर्दछौँ।
पोखरा महानगरपालिका कार्यालयबाट जारी हुने सूचना वा अपडेटहरू हाम्रो आधिकारिक वेबसाइट: pokharamun.gov.np मार्फत सार्वजनिक गरिने ब्यहोरा समेत जानकारी गराउन चाहन्छौँ।
तपाईँहरूको सहयोग र समझदारीका लागि धन्यवाद।
पोखरा महानगरपालिका कार्यालय
मिति: २०८१/११/१२
