नेपालका लागि पोल्याण्डका गैर–आवासीय राजदूत एडम बुराकोव्स्की र पोखरा महानगरपालिकाका प्रमुख धनराज आचार्य बिच शिष्टाचार भेटवार्ता भएको छ । राजदुत बुराकोव्स्कीसंगको भेतवार्तामा हिमाल आरोहणका क्रममा हराएकी पोल्याण्डकी नागरिकको स्मृति कार्यक्रम पोखरामा गर्न गरिएको आग्रहलाई आफुले स्विकार गरेको प्रमुख आचार्यले बताउनुभयो ।

पर्यटकीय बसपार्क, गल्फ कोर्स रहेको जग्गा र यातायात कार्यालय पछाडिको जग्गा भाडामा लगाउने विवादास्पद् सम्झौता पोखरा उपत्यका नगरविकास समितिको १६९ औं बैठकले खारेज गरेको छ । छानविन समितिले बुझाएको प्रतिवेदनलाई आधार मान्दै समितिले यस सम्बन्धि थप अनुसन्धान गर्र्दै कारबाहीका लागि अख्तियार र नेपाल प्रहरीलाई अनुसन्धान गर्न सिफारिस गरेको छ । उपत्यका नगर विकास समितिका अध्यक्ष एवं महानगरका प्रमुख धनराज आचार्य ज्युसहित समितिका सदस्य ज्युहरु र छानविन समितिले बुझाएको प्रतिवेदनका साथै उपत्यका नगर विकास समितिको बैठकका निर्णय सार्वजनिक गर्न भएको सानो पत्रकार भेटघाट कार्यक्रमका झलक

राष्ट्रबैंक चोक स्थित पर्यटकीय बसपार्कको स्वामित्व पोखरा महानगरपालिकाले सञ्चालन गर्नेगरि पोखरा उपत्यका नगरविकास समतिलाई प्राप्त भएको छ । बुधबार संस्कृति, पर्यटन तथा नागरिक उडड्यन मन्त्रालयमा स्वामित्व हस्तान्तरण गर्नुहुँदै माननीय मन्त्री जीवनराम श्रेष्ठ ज्यु र स्वामित्व ग्रहण गनुहुँदै महानगर प्रमुख धनराज आचार्य ज्यु । साथमा पर्यटन मन्त्रालयका सचिव महेश न्यौपानेज्यु र पर्यटन विभागका निर्देशक तारानाथ अधिकारी ज्युसहित सहभागी ज्युहरु ।

प्रमुख ज्युले पोखराको पर्यटन क्षेत्र लगाएत अन्य ब्यबसायिक क्षेत्रमामा सहजढंगले लगानी गर्न आग्रह गर्नुभएको छ । पोखरा अन्तर्राष्ट्रिय बिमानस्थल सँञचालनमा आउने समय सँगै अन्य पुर्वाधार निर्माणमा सम्पुर्ण पोखरा लागिरहेको जानकारी दिदै बैङ्किङ क्षेत्र ले सकारात्मक सहयोग गर्न आग्रह गर्नु भयो। कार्यक्रममा सहभागी सबै सिईयो ज्यु हरुले सो आग्रह लाई सकारात्मक ढङले लिने प्रतिबद्धता ब्यक्त गर्नु भयो ।

सहरी विद्युत् वितरण प्रणाली सुदृणिकरण र सहरी सौन्दर्यीकरण कार्यक्रमका लागि लेखनाथ सब स्टेसनबाट पोखरासम्म बिजुलीको लाइन अन्डरग्राउन्ड गर्न एडिबीसँग नेपाल विद्युत् प्राधिकरणले सम्झौता गरेर अब केही दिनमा काम नै सुरु हुँदै छ । पोखराको सहरी विद्युतिकरण अन्तर्गत सडक बत्ती जडानका लागि पोखरा महानगर र नेपाल विद्युत् प्राधिकरणका बिचमा यस अगाडि नै सम्झौता भएर पोखरा महानगरले आफ्नो तर्फबाट ५ करोड रुपैयाँ भुक्तानी दिइसकेको छ । यसको काम शीघ्र रूपमा अगाडि बढाउने, पोखराको जिरो किलोमिटर देखि फेदीसम्म सडक बत्ति जडानका लागि नयाँ ढंगले अगाडि बढ्ने र मुख्य बजार क्षेत्रमा विद्युत् भूमिगत गर्ने विषयमा पोखरा महानगर

मिति २०७९ साल जेठ २७ गते शुक्रबारका दिन स्थानिय प्रशासन र महानगरपालिका का मेयर, उप मेयर को सक्रियतामा सडक विभाग र पोखरा महानगरपालिकाले संयुक्तरूपमा ढलहरू सर-सफाई गर्ने अभियान सुरुवात गरिएको छ ।

पोखरा बसपार्कको नाला निर्माण कार्यको शिलान्यास गर्दै गण्डकी प्रदेशका सहरी विकास, भौतिक पूर्वाधार तथा यातायात व्यवस्था मन्त्री कुमार खड्का र मेयर धनराज आचार्य। पोखरा बसपार्कको अबलोकन गर्दै वडा नम्बर ९ का वडाध्यक्ष दीपेन्द्र मर्सानी र स्थानीयका साथमा मेयर धनराज आचार्य । जुन बसपार्कका लागि विगत ४७ वर्ष अगाडि नै जग्गा अधिग्रहण गरिएपनि अहिलेसम्म निर्माण हुन सकेको छ्रैन । अब तीन वर्षभित्र सिटी बसपार्कको रुपमा सुविधान सम्पन्न बसपार्क निर्माण गर्ने मेयर आचार्यको संकल्प छ ।